وانا بالروضة كان معي قلم ومحاية جداد وفي وحدة متسلطة اجت ضربتني واخدتهم مني، فاتت المس على الصف شافتني بعيط سالتني شو صار خفت احكي …روحت عالبيت امي بدها ياني احل الواجب انا مستحية احكيلها انسرقوا ،قالتلي :ضاعوا! قلتلها :اه .
جابتلي غيرهم … يومها رسمت رسمة وخييتهاكبرت شوي وفتت المدرسة، كنت اكون قاعددة دائما بالدرج الأخير لاني طويلة، المعلمات كانوا مهمليني كتير وانا بكون عارفة الجواب وما بجاوب ، اول امتحان كان في علامات ،المعلمة اجت لعندي وحكتلي:من مين غشيتي، انا ما عرفت ارد صرت اعيط ! يومها نقلتني من البنت لي قاعدة جنبي مع انها هي غشت 🙂 رسمت رسمة وسميتها الظلم….لما صرت بالثانوية،رحت عمدرسة مختلطة، كنت اشوف البنات كيف بسألو الشباب ،بقعدن معهم ومش سائلات، وانا اكون مستحية احكي حرف قدامهم ،كان استاذي بالمدرسة ، يضل يحكيلي كلام تحرش، واضل ساكتة ،بيوم لحقني وانا مروحة ،طريق بيتنا ما في حدا ،مسكني من ايدي، انا ارتعبت ، بدي اصرخ، قلتله ابعد يحيوان؛ قلي ما انا صرلي سنة بتحرش فيكي ومكيفة، انا تفيت بوجهه ما بعرف كيف اجتني الجرأة ، وركضت، وصلت عالبيت والعرق مملي وجهي،حرارتي مرتفعة، ومريضة، قعدت اعيط لامي ،ليش انا شخصيتي هيك،وليش الناس بتستقوي علي،حكتلي شو صاير معك .
ما قدرت احكي ! رسمت رسمة وسميتها التحرشبعد بيومين رحت عالمدرسة الاستاذ حط حطاطي وبدو يرسبني .
صار يضايقني كتير ويستغل شخصيتي الضعيفة….بس الحمد لله ،نجحت وخلصت منه ومن المدرسة ،فتت عالجامعة، ناس اشكال الوان،نفسيات؟دكاترة، حياة جديدة تماما، ولساتني بخاف ،شوي شوي صرت اكتشف اني مهمشة طول ما انا ساكتة،وتذكرت انه ابوي وانا صغيرة كان يضربني لما احكي .انه امي كانت تسكتني لما اعبر عن رأيي .اتذكرت كيف مرة حكيت فيها وعاقبوني .
وبوقت كنت مصاحبة بنت .
والبنت مؤدبة كتير وشب حطو براسها وطلع سمعة عليها مش منيحة وكيف شفت الكل ببعد عنها …وهي ساكتة اتذكرت حالي .
قعدت بالساحة ارسم … ارشق الوان . وابكي … اجاا واحد قلي هاي رسمتك!قلتله اه … قلي شو اسمها … قلتله “الحياة”صفن صفن اخدها من ايدي … وحكالي الحقيني عرفني على صاحب معرض رسم … واتبنى رسوماتي… المعرض ما نجح .
ما حدا حبه … ولا حدا فهم شو علاقة هالرسومات بحياتي … وغير هيك كتير ناس احبطوني وحكولي رسمك مش حلو اولهم اهلي … بس ضليت اشتغل عحاالي .
شخصيتي صارت اقوى … وصرت ما اسكت … صارت رسماتي تحكي عني …وهيني اليوم مشهورة والكل بآمن بموهبتي 🙂اذا عندك وجع .
حلم .
او موهبة .
لا تستنى غيرك يكتشفك … وما تسمع كلام الناس الي بتحكيلك وقف … استمر واسعى لحلمك واشتغل علي … واهم شي لا تستقل من قيمة حالك .
ويضع سره في اضعف خلقه
